الجزء التاني✋
وصرخوا جامد قوى لما شافوا ست شكلها مش باين اوى فى وسط الضلمه وكانت ماسكه راس ست تانيه فى اديها وبتنقط دم ورايحه ناحية سالم بصوا الشباب لبعضيهم ولسه هيجروا قام محمد شدهم ووقفهم وفضلت الست تقرب منهم وخصوصا سالم وقامت نازله على اديها ورجليها وبقيت تمشى عليهم لغاية لما بقيت تحت رجل سالم وحطت راس الست اللى كانت شيلاها تحت رجله وبيبصوا عليها بتركيز لقيو ان دى راس ام احمد وبيبصو للست لقيوها ابتدت تغطس فى الأرض كأن الارض بتبلعها وهى بتنزل مسكت رجل #سالم
سالم : الله يقطعكم ما كنا جرينا الحقوووووونى
شدو سالم من ايد الست او المخلوق ده وفجأه سمعوا صوت دربكه والارض بتتهز هزه خفيفه كده وفجاه#طرااااااااخ كل ابواب المقابر اتفتحت وخرج منها اشباح وكلاب كبيره وقطط ضخمه .. وهما فى النص
سالم : وعهد الله كنت روحت مع الست ارحم
محمد : طب ايه دول بيبصوا علينا
احمد : اجروا بسرعه
طلعوا يجروا واحمد اخد راس والدته من الارض وقال يا فكيك وكانت المدافن عباره عن شوارع وكل ما يخرجوا من شارع يدخلوا فى شارع ويلاقوا فيه حاجات غريبه .. بصوا لقيوا فى نور ابيض بعيد طلعوا يجروا عليه ولما وصلوله لقيوها عشه صغيره فيها راجل كبير
الراجل : انتو مين !! وايه اللى جابكم هنا الساعه دى ؟؟ وراس مين دى يا كفره انتوا من اللى بتسرقوا القبور
سالم : بوص لو بطلت اسأله هتفهم لكن طول ما انت بتسأل ومش سايبنا نجاوب مش هتفهم حاجه
احمد : يا حاج اللى حصل معانا ..... (حكاله الحكايه)
الراجل : طيب ما تخافوش انا هقولكم على حاجه مهمه .. فجأه وش الراجل ابتدى لونه يتغير كأن حاجه بتخنقه وعينه ابتدت تبرز لبره ووشه هيتفرتك خلاص قام احم ومحمد وسالم وطلعوا يجروا وبص احمد على راس والدته اللى كان ماسكها ملقيهاش خرجوا جرى لغاية العربيه اللى جم بيها
محمد : عبده انت فى ايه محدش سامعلك صوت يعنى
عبده : ..............
احمد : مالك ياض فى ايه
بصلهم عبده وهو بيضحك بصوت عالى جدآ لدرجه خلتهم مرعوبين منه وفتح العربيه وركبوا ومشى سريع بالعربيه مع ان معروف عن عبده انه مش متهور فى السواقه
وصلوا المنطقه اللى ساكنين فيها ومحدش فيهم بينطق كلمه .. ونزلو من العربيه
سالم : هنروح فين
احمد : عند امك
محمد : جرى ايه يا احمد فى ايه عيب يا عم
سالم : لا هو بيتكلم صح احنا لازم نروح عند امى .. جاى يا عم الغامض (ناظرآ لعبده) ولا هتنام فى العربيه
نزل عبده من العربيه وراحوا عند سالم وكانت حوالى الساعه 4 الفجر .. دخلوا استنوا فى الصالون وسالم صحى امه واحمد صحى خالته واخواته وطلعوا قعدوا فى الصاله وحكولهم كل اللى حصل
ام سالم : طيب وليه بيحصل كده ؟؟
خالة احمد : واشمعنا معاكوا انتوا !!
محمد : وايه علاقة ابويا بالموضوع
مريم : محمد على فكره باباك رجع البيت بس
احمد : ده مش وقته خالص يا مريم وكويس انه رجع بصوا بقى انا فى موضوع كده فى دماغى ممكن يكون هو ده السبب للى بيحصل
سالم : ايه الموضوع
احمد : خلينا نفتكر شوية تفاصيل عن موت امى كده ..
شيرين : يا احمد .
احمد : مسمعش صوتك ... امك ليها حق فى الدنيا ولازم حقها يرجع .. من حوالى 4 شهور امى ماتت واتقطعت ولغاية دلوقتى محدش عارف هى ماتت ازاى شوفناها كلنا متقطعه ومفيهاش حته سليمه لدرجة ان الحكومه نفسها معرفتش هى ماتت ازاى او مين موتها واكيد هى رجعت عاوزه حقها او فى سبب مهم خلاها ترجع ..
سالم : طيب والحاجات اللى بنشوفها وكده ايه علاقتعا بالليله دى
محمد : اكيد فى علاقه هنفهمها بس بعدين .. يا جماعه طرف الخيط هو المقابر .. بس
احمد : بس ايه !! خايف ترجع هناك تانى
محمد : لا افتكرت لما الراجل اللى فى العشه كان بيقول ان فى حاجه مهمه عاوز يقولهالنا
احمد : الصبح .. بكره الصبح لازم نروح هناك ونحاول نلاقى اى حاجه تفهمنا اللى بيحصل
عبده بيتكلم بصوت غريب : هاهاهاهاهاهاهاها لا يمكن ان هذا سوف يجعلكم تموتون
سالم : ايه يالا اللى بتقوله ده انت شارب حاجه
عبده : سوف اقتلكم ولكن ليس قبل اتمام المهمه
احمد : ولا فوق ياض انت الخضه مأثره عليك ولا ايه
وقف عبده وطلع ترابيزة السفره وفضل يصرخ وعينهةبدأت تنزل دم وشكلها بقى غريب وكل حاجه فى البيت بقيت تتهز والقزاز اتكسر والكل واقف مرعوب جريو كلهم على الباب فتحوه وجريوا فى الشارع وكلهم منهارين ومش فاهمين اى حاجه
سالم : فى ايه يا جدعان ايه اللى بيحصل فينا ده
احمد : اصبروا بس الصوت هدى انا هدخل انا وسالم نشوف فى ايه
سالم : سالم ده انا !!
احمد : اه
سالم : اشوف جنازتك قادر يا كريم هتموتنى بدرى😲
.. يتبع .
تعليقات
إرسال تعليق