اول ما فتحوا الكتاب قام النور قطع وبعدين سمعوا صوت باب الأوضه اتفتح وشويه واتقفل تانى
سال : اكيد ده الشيطان وهنتنفخ دلوقتى
محمد : اثبت يا سالم .. مينا هو انت معندكش كشاف !! .. مينا .. ميناااااااا
مينا : ما توطى صوتك يا عم بجيب شمعه من المطبخ
سالم : طلع ابن الدايخه ده هو اللى فتح الباب 😑😑
فتح مينا الباب تانى ودخل ماسك شمعه واول ما بصوا لمينا ومينا بصلهم فضلوا يصرخوا مينا شافهم على هيئة تعابين ضخمه وهما شافوا مينا شخص بعين واحده فى وسط راسه ومفيش اى معالم تانى فى وشه 😈😈 .. كلهم قاموا يجروا ناحية البلكونه .. بيبصوا للشارع لقيوا نفسهم فى المقابر والمقابر محاوطاهم من كل ناحيه .. بصوا لبعض شافوا بعض عادى على هيئتهم الطبيعيه .. مقدامهمش حل غير انهم ينزلوا من البيت .. بصوا لبعض وخرجوا من البلكونه للأوضه عشمانين يخرجوا من الشقه .. النور مقطوع والأوضه مليانه شموع والسرير مليان قطط صغير سوده لسه مولوده وملمومين على جثه ومخرجين احشائها وبياكلوها 🐱 ..
جريوا ناحية باب الأوضه الباب اتقفل ومش راضى يتفتح
القطط اهتمت بوجودهم وجايه ناحيتهم
صوت صريخهم بيهز المكان
احساس الموت سيطر عليهم .. مفيش مكان للفرار
بص مينا لسالم وبسرعه اخد منه كتاب اللعنه
وقعد يقول كلام غريب زى طلاسم
وكل ما يقراها .. صوت كانصيرو فى المكان وصوته متحشرج ابتدى يظهر كانصيرو وصوته صريخ مرعب ومخيف جدآ
والنور عمال يرعش لغاية لما اللمبه فرقعت
وكانصيرو اختفى وصوته مش موجود
ولما نور الشقه كله جه الاوضه كان فيها اضائه خفيفه
مينا : ايه ده يا سالم انت ايه اللى طلعك فوق محمد 😂😂
سالم : ابدآ انا لقيت اللمبه فرقعت فطالع اغيرها يابن الظريفه
محمد : هو ايه اللى حصل يا مينا ؟؟
مينا : ابدآ .. اللمبه محتاجه تتغير بس
محمد : ما تخلص يا عم انت هو احنا ناقصينك
مينا : بوص لو المصيبه دى انت اللى هتلبسها لواحدك كنت زعلتك منى .. لكن دى مصيبه هتحط على الكل .. فعلشان كده تحمد ربنا انك لسه عايش وانى مزعلتكش لما عليت صوتك عليا
سالم : مينا معلش عندى انا دى
مينا : كانصيرو احنا اتقينا شرو شويه يا سالم بعد الطلسم ده .. على فكره ربنا بيحبنا اوى .. انا اول ما فتحت الكتاب على اى صفحه من الخوف لقيت الطلسم ده فى وشى وتفسيره ان الشيطان دى هيتم تقييده لمده بسيطه من الزمن بس مش مزكور هى قد ايه .. ممكن نلاقيه رجع فى اى وقت عادى
محمد : طيب ما تشوف فى الكتاب ده حاجه تخليه يتقيد على طول
مينا : اهو دى قمة الغباوه يا سالم 😎😎
سالم : بغض النظر يعنى .. ليه بجد يعنى
مينا : بوص يا سالم اولآ لو الموضوع بالسهوله دى يبقى الشيطان ده مش قوى اصلآ لكن اللى انتوا حكيتوهولى ده حوار كبير اوى اوى وعلى العموم دقيقتين بس صمت وهنفهم ..
(فتح كتاب اللعنه )
قعد يدور فيه ويقلب فيه لغاية اخر ورقه
مينا : مش قولتلكوا انه مش بالسهوله دى 😕
سالم : خيييير ؟؟
مينا : بوص يا سالم الكتاب ده بيقول ان الخادم اللى هو كانصيرو علشان يفضل خادم بتنفز انت اوامره
سالم : اومال خادم ازاى 😒
مينا : هبسطهالك .. كانصيرو ده ممكن يطلب دم ممكن عبيد بشر ممكن يطلب اطفال ولو جبتله الحاجات اللى بيطلبها هو كده خادم وهينفذلك كلامك لكن بقى لو معرفتش يبقى كده بخخخ هتتبقلش ☺
سالم : طيب اشطه ازاى بقى نخلص من امه
مينا : مكتوب يا سالم انه علشان يبقى الTop بتاع الليله دى لازم اجزائه تتجمع
سالم : بمعنى !!
مينا : بوص يا عمنا فى حاجات اسمها الأجزاء بس انا معرفش ايه الحاجات دى اصلا لو اتجمعت هيبقى كانصيرو اقوى حاجه
محمد : يا عم انت غبى احنا عاوزينه ضعيف .. لا لا احنا مش عايزينه اصﻵ
مينا : طيب مهو علشان كده لازم تجمعوا انتوا الحاجات دى 😉
سالم : اعتبرونى مش هنا 😑
مينا : بوص اما هنجمع احنا الحاجات دى هنبقى اقوى من الملعون ده لكن لو هو اللى جمعهم خلاص احنا هنبقى فى خبر كان
محمد : طيب وهنعرف مكانهم ازاى
مينا : من كتاب جدك اكيد ذكر حاجه عن اى مكان نبتدى منه
سالم : تسلم دماغك يا جدع ده انت عالمى 😍😍
مينا : المهم تجيبولى لمبه مكان اللى فرقعت 😂😂
فتحوا كتاب جد محمد وقعدوا يقروا فيه لغاية لما سالم ومحمد زهقوا وبدأ الأرهاق يعمل معاهم الجلاشه وناموا ..
فضل مينا مكمل قرايه فى الكتاب لغاية لما لقى اول الخيط
صفحه مكتوب فيها (من اهم ما توصلنا له ان ليلة اكتمال القمر يتعامد شعاعه على المقبره المخفيه بداخل العملاق .. عندها يكون جاهز للرؤيه وللأخذ والعمل به .. 7000)
مينا : اصحوووووووووووووا
سالم : يابن اللاسعه يا متخلف 😭😭
محمد : فى ايه يا عم فزعتنا
مينا : فى طرف خيط فى فرح فى زقططه
سالم : فى اى اكل فى التلاجه !! ... اقسم بالله جعان
مينا : بصو انا لقيت صفحه فى الكتاب مكتوب فيها الكلام ده (ورالهم الورقه)
محمد : انا مش فاهم ولا كلمه اصلا ايه المكتوب ده 😑😑
مينا : بصوا والله اعلم اظن ان المكان اللى بتتعامد عليه اشعة القمر وقت اكتماله هو الهرم الأكبر وجدك وصفه بالعملاق .. واظن ان رقم 7000 هو عدد سنين الحضاره
سالم : طب وباقى الكلام ؟؟
مينا : بصراحه مش فاهم فيه ولا كلمه 😂😂 .. جدك ده غامض اوى يا محمد
محمد : المهم دلوقتى بسرعه على الهرم الكبير
مينا : غبى .. انتوا الاتنين لازم تاخدوا الكتابين دول تخبوهم كويس جدآ قبل ما عم زفت ده يرجع تانى .. ويستحسن بلاش اماكن كانوا موجودين فيها
نزل سالم ومحمد خبوا الكتابين ورجعوا لبيت مينا .. عاوزين ياخدوه ويروحوا الهرم يجيبوا اول جزء
مينا : بصوا القمر هيكتمل بكره يعنى هنام ونصحى نروح
سالم : طيب ما نروح دلوقتى
مينا : مش هنلاقى اى حاجه دلوقتى .. لازم الميعاد بالظبط 😉😉
يقطع كلامهم صوت الباب بيخبط .. فتحوا الباب لقيوا ........
فتحوا الباب لقيوا .. مايكل
مايكل ده واحد ساكن فى نفس شارع مينا بس مش اصحاب ولا حاجه يادوب يعرفوا اسامى بعض ..
مينا : اهلا استاذ مايكل اتفضل
مايكل : مش جاى اتفضل انا
سالم : خلاص غور امشى
مايكل : مش قصدى حاجه بس انا عاوز اورى مينا حاجه غريبه فوق بيته شوفتها وانا معدى
مينا : حاجة ايه
مايكل : فى حاجات شوفتها بتمشى فوق سطح بيتكوا
محمد : نعم !! طب واشمعنا انت بس اللى شوفت كده ؟؟ طب وباقى الشارع
مينا : فككوا من اى اسأله بينا نشوف فى ايه
جريوا الشباب الأربعه فوق السطح و اول ما دخلو السطح كان القمر منور وشايفين شويه .. لقيوا شياطين قصيره طول الواحد حوالى 70 سم وكتار اوى وبيلفوا على سور سطح البيت ومش منتبهين للشباب وكان شكلهم اسود وبقرون ضخمه زى قرون الغزلان البريه وجسمهم مشقق وريحه وحشه جدآ طالعه منهم
مايكل : يلا نهرب بسرعه
مينا : متخافش احنا مش هنتأذى
محمد : طب يلا بردو ننزل
نزلوا عادى كأنهم خدوا على المواضيع دى ونزلوا الشارع قعدو على قهوه وطلبوا شيشه وقهاوى وكأن مفيش حاجه خالص
مايكل : يا جماعه فى ايه انا مش فاهم حاجه
سالم : بوص انا هحكيلك .. (حكاله القصه من اولها ﻷخرها)
مايكل : العمر واحد والرب واحد انا معاكوا
مينا : بسسسس
مايكل : عارف .. خايف بدل ما يحصلى حاجه وانا سند اهلى .. متقلقش لو مكتوبلى حاجه هشوفها .. بس عندى سؤال
محمد : اتفضل
مايكل : ليه مروحتوش لشيخ او كاهن يحل الموضوع ده !!
سالم : زمان اللى حل الموضوع شيخ واهو كانصيرو رجع تانى .. الموضوع ملوش علاقه بأديان مهما حصل كانصيرو هيرجع من جديد غير بقى..
مايكل : غير بقى ايه
مينا : غير لو احنا جمعنا اطرافه و .....
فجأه القهوه كلها بتتهز .. الأرض بتتشقق ويطلع منها الدم كل الرجاله اللى فى القهوه بيحاولوا يهربوا لكن باب القهوه اتقفل عليهم وابتدت الكراسى تطير فى الهواء وتخبط بكل عزمها فى الناس .. بس فى دماغهم ومن قوتها كانت بتفرقع الدماغ ويخرج منها المخ والعيون .... الخ
ده غير الناس اللى بقت تطير فى الهواء وتترزع غى الأرض ميته
كل اللى فى القهوه مات ما عدا الأربع شباب ريحة الدم فى كل مكان الخراب .. الخراب اكتر حاجه مسيطره على المكان .. اتفتح باب القهوه خرج الشباب من القهوه ومفيش جنس انسان فى الشارع استغربوا ... لغاية ما ركزوا وسمعوا صوت صويت جاى من اخر الشارع .. جريوا يشوفوا فى ايه لقيوا بيت مينا بيتحرق
جرى مينا بسرعه جوا البيت وهو مولع والناس تصرخ واللى يقول اتجنن واللى يقول هيموت .. جرى وراه سالم ومحمد ومايكل من غير تفكير دخلوا شقة مينا لقيوا الظابط قاعد على كرسى فى الصاله مولع سجاره وبيبصلهم ويضحك 😊 .. وبعدين اختفى .. جرى مينا على اوضه اخد منها كرتونتين شال واحده ومحمد شال التانيه وشاورلهم ينزلوا ..
جريوا على تحت وخرجوا والناس مش مصدقه انهم لسه عايشين .. جريوا ركبوا تاكسى وراحوا على الكورنيش .. كانت حوالى الساعه 6:30 الصبح
سالم : الا قولى يا مينا .. هو البعيد بهيمه ؟؟
مينا : اشمعنا يعنى
سالم : مدخلنا فى وسط النار علشان الكرتونتين دول
مينا : طبعآ ..دول مهمين جدآ جدآ
سالم : فيهم ايه يعنى
مينا : دول كتب نادره جدآ عن السحر بس دى بقى من نوع تانى .. ده سحر للخير بس متنفعش للشر
محمد : طب والحل دلوقتى ؟؟
مينا : احنا دلوقتى 4 احنا محتاجين حد خامس لينا وهعمل حاجه اسمها نجمة داوود .. بس المره دى طالبين الخير .. هنطلب المساعده من العالم الأخر ضد كانصيرو
محمد : طب وده هينجح ؟؟
مينا : معرفش ﻷن عمر ما حد عمل كده اصلآ
سالم : طب ومين الخامس !!
مينا : الظابط
كلهم : نعععععععععععم 😯😯
مينا : بقولكوا الظااااابط .. الظابط هو الخامس
مايكل : طيب مهو اكيد كانصيرو ده سامع كلامنا دلوقتى وهيعما حاجه
مينا : لا
سالم : عرفت منين انه مش سامعنا
مينا : بالعقل كده هو مش هنا ﻷنه اكيد بيدور على الكتابين .. ﻷنه عارف انه هيلاقينا فى الهرم وقت تعامد الأشعه عليه .. ف بالنسبه ليه انه يلاقى الكتابين اللى انتوا خبتوهم اهم كتير اوى من انه يقعد يسمعنا بنقول ايه
محمد : خلونا فى موضوعنا .. الظابط ازاى هيبقى الخامس يعنى !!
مينا : دى بتاعتى انا 😈 .. بس انتوا خبيتوا الكتب فى حته امان !!
= ايوه
مينا : اشطه استنونى دقيقتين وجاى
غاب مينا 10 دقايق ورجعلهم
سالم : كنت فين
مينا : خبيت كتبى وكنت بعمل زى الناس فى النيل وجيت
سالم : اشطه انا عندى فكره هخلى الظابط يجى لغاية عندنا بس انت عليك تخليه الخامس بتاعنا
مينا : مش بالسهوله اللى فى دماغك دى .. سيبنى انا اتصرف .. هننام دلوقتى تحت اى شجره وبالليل الساعه 12 لازم نبقى جوه الهرم
سالم : اشطه جدآ
فضلوا نايمين بسبب التعب اللى تعبوه لغايه الساعه 5 المغرب .. صحيوا لقيوا ناس سايبين جمبيهم شنط فيها اكل لسه حتى متفتحش وكأنه جايلهم مخصوص و 4 كانز بيبسى مقفولين .. قاموا وبصوا لبعض وفى عز المحنه قعدوا يضحكوا .. فتحوا الأكل واكلوا وشربوا البيبسى وقاموا علشان يتحركوا لقيوا عربيه واقفت قدامهم .. عربيه bmw ومفيمه اسود واتفتح الشباك وواحد بيقولهم الف هنا على الأكل والشرب اركبوا .. بصوا لبعض بأستغراب وركبوا
- بصراحه انا مش واحد كان معدى ف لقى 4 شباب زى الورد نايمين فى شارع فقال يجبلهم اكل وشرب .. انا عارف عنكوا حاجات كتير اوى وكنت مراقبكوا بقالى كام يوم وبعد ما خرجتوا من القهوه انا دخلت وشوفت كل حاجه وبعدين شوفت اللى حصل فى بيتك يا مينا وكمان شوفتك لما روحت تخبى الكتب 😉 .. بس صدقونى متخافوش انا مش عاوز أأزيكم .. انا هساعدكم .. انزلوا دلوقتى من العربيه بسرعه وروحوا عند الهرم الكبير وشوفوا المكان كويس وبعد ما تخلصوا بخير بأذن الله هتلاقونى هنا فى نفس المكان
محمد : طب مش نعرف انت مين
- هتعرفوا بالليل
مينا : اشطه يلا ننزل يا شباب
نزلوا من العربيه وفعﻵ راحوا عند الهرم الكبير وعاينوه كويس ومكنش فى حد هناك
وجه الميعاد المنتظر والساعه 12 القمر نزل منه شعاع واضح و قوى اوووووى على الهرم الكبير .. وابتدى الهرم يتهز جامد واتفتح باب كبييير
تتبع
#منقول
تعليقات
إرسال تعليق