😈الجزء الرابع😈😈 ...
فجأه طلع محمد مطواه من جمبه وراح ناحية احمد ولسه هيطعنها فى قلبه حاجه مسكت ايده وبقيت تضغط عليها جامد لغاية لما المطواه وقعت من ايده وبيبص ﻷحمد لقيه باصصله بغضب وعينه حمره دم وجواها لهيب نار
فجريه : اقعد .. انت مجنون ؟؟ اللى انت بتعمله ده ميتعملش فى حضور صاحب العظمه
محمد : واللى هو عمله فى ابويا وامى هو ده الصح ؟؟
اتطفا كل انوار المكان وابتدت الحاجات تتهز تانى وفجأه لحظة صمت رهيبه وهواء بارد يقشعر الجسم وصوت غريب
كانصيرو : مفيش اختيار بيتم عشوائى .. امه فدته على قد اخطائه وانت ابوك فداك على قد اخطائك
سالم : طب وبالنسبه ليا ايه ؟؟ .. انا زنب امى ايه
كانصيرو : انت كمان غلطت .. احمد قدم امه كبش فدا .. ﻷنه من نسل الشيخ احمد اللى سبق وحاربنى وافتكر انه انتصر .. وانت يا محمد انت رابع اسم فى جدودك بسام .. اللى كان سابب فى كل اللى حصل 😣😣 اما انت بقى يا سالم ف الجده الخامسه ليك هى #رباب
محمد : طب واحنا مالنا بالليله دى احنا مأذنكش .. وكمان اللى أذوك ماتوا
كانصيرو : اللى أذونى ماتوا من غير نا اخد حقى منهم .. انتوا احفادهم احفاد من حاربونى .. احمد اول شخص فيكم وافق انه يبقى خادم ليا وانتوا هتبقوا خدامى .. وهتعبدونى وهتساعدونى انى اذل الأرواح بتاع اجدادكم واعزبهم
سالم : ولو مش موافقين مثلآ
محمد : مثﻵ مين احنا مش موافقين اصلآ
فى بيت احمد
الباب خبط وفتحت مريم لقيت الظابط
مريم : ايوه !!
الظابط : احمد فين ؟؟
مريم : معرفش .. هو مجاش
الظابط : اخوكى وانتوا فى خطر .. هتيجوا معايا القسم واوعدكم هتبقوا فى مكتبى الخاص
مريم : متكملش احنا مش هنروح فى حته
نار مولعه وخارجه من الأوض وصراخ ام سالم وخالة احمد وشيرين .. بيشد الظابط مريم لبره الشقه وبيدخل جرى يحاول يطفى الحريقه لكن مش قادر .. وقف متنح لمنظر غريب .. جوه النار فى قطط سوده كتيره بتلعب مع بعض وكل ما يزيد اللعب بتزيد النار .. رزع الباب بالرجل ودخل للستات واخدهم خرجهم بأعجوبه من وسط النار ونزلوا الشارع
فى بيت فجريه
محمد : انا شوفت حاجه
كانصيرو : انا اللى وريتك ده وكله شاف اللى حصل ﻷهاليكوا .. تحبوا نبدأ لعب امتى
سالم : ما احنا لو معاك هيموتوا بردو
كانصيرو : لو مبقيوش معايا .. انتوا كده كده خلاص حياتكوا وارواحكوا بقيت ملكى 😈😈
نار حواليهم وصوت قطط وخربشه قويه فى الأرض وضحك عالى .. قاموا ال3 جريوا بره بيت#فجريه
سالم : برافو يا احمد .. بذلت مجهود رائع بجد .. ونعم الأخوه .. لا اخوة ايه واحد هانت عليه امه مش هيهون عليه اصحابه 😤
محمد : انا مش هعرفك تانى غور انت من سكه وانا والراجل ده من سكه تانى
احمد : هتندموا 😈
محمد : عارفين وراضيين .
سالم : خليك انت مع عم فرقع لوز ده وورينا هتفرح ازاى
محمد : مالك يا سالم فيك ايه وشك احمر ليه كده يا سالم سالم
سالم : هموت يا محمد بتخنق الحقنى
محمد : كفايه يا احمد كفايه
احمد : هسكت المره دى بس المره الجايه تيجوا لغاية عندى وتطلبوا خدمته علشان يسامحكوا على اللى قولتوه واللى عملتوه
سالم : يلا نمشى يا محمد
ركبوا وراحوا على القسم دخلوا مكتب الظابط ملقيوش اهلهم .. خرجوا للعسكرى اللى بره سألوه الظابط فين فقالهم انه كان موجوده ومعاه ستات بس جاتله مكالمه ومشيوا كلهم ..
سالم : طيب نرن عليهم !!
محمد : اه طبعا شوفهم فين
سالم : امى موبايلها فاصل او غير متاح 😞
محمد : وده وقته بس 😣😣
سالم : طب اصبر .. بقولك ايه يا دفعه معلش احنا قرايب الباشا من البلد ومحتاجينه ضرورى ومش معانا رصيد والنبى رنلنا عليه وهات اكلمه
سالم : الووووو .. ايوه يا باشا انا سالم فاكرنى ؟؟
الظابط : انت فين !!
سالم : انا فى القسم سعادتك
الظابط : طيب تعلالى عند بيت محمد
سالم : يا باشا محمد كله على بعضه اهو معايا
الظابط : طيب استنونى فى المكتب انا جاى اهو سلام
دخل سالم ومحمد مكتب الظابط وبعد شويه حسوا ان مفيش اى حركه فى المكان ف راحوا فتحوا باب المكتب لقيوا ان مفيش اى حد فى الطرقه بس فى صوت .. سامعين صوت وكل شويه بيقرب .. واحد بيجرى والنار ماسكه فيه شايفينه .. شايفينه بيجرى ويصرخ من اخر الطرقه وجاى ناحيتهم .. وجه قدامهم ومكملش جرى لا ده وقف وكان فى منتهى الهدوء .. بصلهم . بصلهم وهو وشه بيتفتفت من النار اللى ماسكه فيه وفجأه فتح بوقه وصرخ بصوت عالى ..طلعت نار من بوقه مع الصرخه مسكت فى وش سالم ومحمد ..
الظابط : اصحى يابنى انت وهو انتوا حايين تناموا هنا
محمد : يا ساتر يا رب
سالم : يا خرابى يامااااااا ع اللى شوفته
الظابط : ايه ده انتوا تقريبآ كده شوفتوا نفس الحلم وصاحين مخضوضين .. اهدوا متخافوش
سالم : امى فين يا باشا والناس اللى معاها ؟؟
الظابط : متخافش يا سالم هما فى مكتب جمبنا
سالم : لا فكك يا باشا مش علشان اللى حصل ما بينا فى المقابر تخطف امى وتعذبها وتكهربها
الظابط : انت متخلف ياض ؟؟ امك فعلا فى المكتب اللى جمبنا ده
محمد : احنا عرفنا حاجه مهمه يا باشا ولازم حضرتك تعرفها .. (حكاله كل اللى حصل)
الظابط : امممممممم طيب احنا نتحرك دلوقتى على بيت فجريه دى اكيد وراها حاجه او تعرف حاجه عن الموضوع ده
محمد شاورلهم يسكتوا .. وشاور لسالم على ودنه اللى هو بيسأله سامع اللى انا سامعه !! هز سالم دماغه انه سامع .. كان نفس الهدوء اللى سمعوه فى الحلم بس المره دى بعد الهدوء مشافوش نار .. سمعوا صريخ ام سالم وخالة احمد واخواته الاتنين من المكتب اللى جمبهم واصوات الصريخ بتعلى .. جريوا يفتحوا الباب مبيتفتحش فضلوا يخبطوا فيه لغاية لما اتكسر .. دخلوا لقيو الستات شبه بتموت .. متعلقين من رقبتهم بحبال .. جريوا عليهم بسرعه والحمد لله انقذوهم .. بس كل اللى داير فى دماغ الظابط هو ان فين العساكر وازاى ده يحصل ومحدش يحس .. شاورلهم الظابط بعلامه ان سالم ومحمد يجوا وراه وفعلا اتسحب بالهداوه ووراه محمد وسالم وفتح الباب وخرجوا التلاته مش لاقيين حد فى الطرقه بس حاسين بهوا وصوت
همس جاى من اخر الطرقه .. مشيوا بخوف
يتبع..
تعليقات
إرسال تعليق