ولقيوووووووا .. ممر طويييييل فى أخره كرسى ضخم وقاعد عليه فرعون لابس لبس الفراعنه وقاعد فى عظمه وضخم طوله يزيد عن 2 متر .. بصوا لبعض نظرة اللى هو ايه اللى بيحصل وهندخل ولا لا وهنعمل ايه .. بس مكانش قدامهم غير حل واحد بس ... يدخلووووا
دخلوا ناحية الفرعون ده وكل ما يمشوا يحسوا ان حد ماشى وراهم ويبصوا ميلاقوش حد .. فجأه ابتدى الهرم يتهز شويه و الفرعون ده بعد ما كان مبيتحركش ومتصنم ابتدى يتحرك ويبصلهم
وقف الفرعون من مكانه وقال (ها قد اكتملت النبوءه واتى الخمسه الى .. ليأخذ احدهم ما تركه الأباء فى رقابنا)
سالم : خمسه مين و ايه الهلوسه دى
كانصيرو : انا .. (ظهرلهم كانصيرو ) انا الخامس وانا اللى هاخد المدفون
محمد : هو ايه بقى المدفون ومدفون فين
اتطفت كل النار اللى كانت منوره واتبقى واحده بس عند الفرعون منوره وابتدى يتكلم
الفرعون : انتم الأن سواسيه ومن يخسر سيعاقب بالسجن حتى خروج قمر اخر من باطن الأرض .. لن يكون لشخص او لجان اى قوه خارقه .. فنحن من سخرنا اقوى الجان لخدمتنا
اتحول كانصيرو لشيطان وجسم وشكل شيطان ولكن ميقدرش يعمل اى حاجه خارقه .. النور نور لقيوا ان الممر الطويل اختفى وبصوا لتحت لقيوا خوازيق مدببه يعنى اللى هيقع هيموت وتحت الخوازيق نار هتحرق اللى هيقع بعد موته
مينا : اكيد فى حل .. اكيد فى زفت
سالم : لا كده بخ مفيش حل
محمد : امسكوا معايا يا جماعه انا جاتلى فكره
كل واحد فيهم اخد خشبه من اللى مولعه وطفاها وبعدين محمد خلاهم يقلعوا تيشرتاتهم وبنطلوناتهم وعملوهم زى الحبل بس خلوهم حبلين ورموهم على عصايه مدببه ووصلوها بعصايه تانى وعملوهم زى شريط القطر مزدوج وحطوا عليهم الخشب اللى طفوه وعملوا زى جسر كده وفضلوا يعملوا كده لغاية لما عدوا عند الفرعون .. فى نفس الوقت ده كان كانصيرو بينط من عصايه للتانيه لغاية ما وصل بردو فى نفس ميعاد الشباب وقفوا بصوا للفرعون وابتدوا يدوروا بسرعه اللى يدور فى الكرسى على حاجه مهمه واللى يدور فى الحيطان واللى على الأرض
بص مينا فى ساعته وقال : انجزوا فاضل خمس دقايق
وبعدين بص للفرعون وتنح 👀👀
وافتكر كلام الفرعون لما قال (ها قد اكتملت النوءه واتى الخمسه الى .. ليأخذ احدهم ما تركه الأباء فى رقابنا)
بص للفرعون جامد وعلى غفله خطف قلاده كانت حوالين رقبة الفرعون عليها شكل او رمز غريب ..
نزل خشب كتير عمل سجن حوالين كانصيرو والممر ظهر تانى وكانصيروا بيصرخ علشان ياخد اول جزء ويطلع من الهرم وفى ظل الشباب ما واقفين بيبصوا لكانصيروا نظرة النصر وبيبصو للفرعون سمعوا صوت الباب هيبتدى يتقفل ... جرى الشباب بأقصى سرعه ممكنه بس علشان الممر طويل كانوا خلاص على ذروة الفشل بس كان كل اللى بيقرب للباب بينط بسرعه لبره وكان اخر واحد وبيصرخ هو سالم 😯😮
وفجأه الباب اتقف ومش شايفين غير تراب حواليهم
محمد : ساااااااالم 😢😢 .. سالم اتحبس يا جدعان
سالم : لا يا عم انا طلعت اهو بس فردة الجزمه وقعت جواااااه 😭😭
محمد : عليك وعلى شكلك
صوت العربيه ال bmw وقفت قدامهم ونورت الفوانيس والزجاج اتفتح
- انتوا كويسين
مايكل : اه تمام وصلنا بس اى مطعم جعانين
- اركبوا انا جايبلكوا اكل
سالم : انا مش هركب ... (لحظة صمت) غير قدام 😂😂
ركبوا العربيه وكلوا وتمام التمام وبعدين راحوا كافيه محترم وكبير اووووى .. وقعدوا وشربوا وابتدى بقى الكلام الجد
مينا : انت بقى مين
- بوص انا لو قولتلك مش هتصدقنى ومش هتصدق انى عاوز اساعدكوا بجد وممكن تموتنى
محمد : ولو مقولتش انا اللى هموتك
- حيث كده بقى انا مصطفى .. ابن الظابط
مايكل : نعم يا روح امك 😡😡
سليم : وانت بقى ابوك باعتك ليه
مصطفى : بابا لو عرف انى معاكوا مش بعيد يقتلنى .. ادونى بس فرصه افهمكم
محمد : تفهم مين وزفت ايه 😬😬
مينا : اصبروا .. احكى
مصطفى : كل اللى بيحصلمكوا ده مترتب من اكتر من سنه .. عمرى ما هنسى اليوم ده .. جالنا ضيف اسمه عمو يوسف وكان زميل بابا فى الشغل وقاله انه اتكلف بمهمه انه هيروح يقبض على واحده ساحره اسمها فجريه .. عادى بابا كان بالنسباله دى قضيه عاديه وفعلآ جه وقت التنفيذ وراحوا للست دى وعملوا حمله كبيره بس الغريب بقى ان الست دى مقاومتش دى بالعكس اول لما شافت الشرطه وبابا كانت ماسكه كتاب قديم وماشيه تقرى فيه ورايحه لوالدى وبعدين اديتله الكتاب وفى وسط ذهول الجميع الست دى اختفت فى الحال ومحدش عرف يلاقيها تانى اليوم ده .. يومها بابا اول ما دخل البيت كان خايف اوى وحكالى انا وماما الحكايه دى وبعدين طلب مننا اننا نطلع ننام علشان هو هيسهر فى مكتبه شويه .. ماما طلعت بس انا لاحظت انه من ساعة ما رجع مسابش الكتاب من ايده فكنت متأكد انه هيعمل بيه او فيه حاجه .. اتسحبت وبصيت من خرم باب المكتب لقيت والدى فتح الكتاب وقعد يقرى ويعرق ووشه يحمر وشكله بقى مخيف وكل حاجه حواليه بتتهز وهو اصلا شكله باين عليه الزعر بس مش قادر يبطل قرايه وفضل على الحال ده وبعدين ظهر قدامه شيطان وحذره انه يعبده او انه هيقتله .. بصراحه بابا ايمانه كان ضعيف ومكنش بيصلى وفعﻵ سجدله كنت هتجنن من اللى بيحصل بس كنت خايف اوووووى .. ساعتها الشيطان قاله على كل حاجه هتحصل من اول ما صاحبكم هيلاقى الكتاب وهيلاقيه ازاى لغاية ما يبتدى يخليكوا انتوا كمان معاه وانه مختاركوش عشوائى وكده .. كان لازم اعمل حاجه بس مكنتش عارف اعمل ايه .. كنت براقب تحركات بابا فى منتهى الهدوء لغاية ما حسيت ان ده انسب وقت اساعدكم فيه
محمد : وانت بقى ابوك محفظك الكلمتين دول ولا ده ارتجال
مينا : اخرص انا متأكد ان مصطفى صادق لغة جسده بتقول كده هو مكذبش فى ولا حرف انا متأكد .. وكمان هو جه فى وقته .. عندك بجد استعداد تساعدنا !!
مصطفى : اول حد بابا ضحى بيه علشان يرضى شيطانه كانت امى 😭😭 .. انا اكيد معاكوا
مينا : يبقى لازم نبتدى دلوقتى قبل ما كانصيرو يخرج ..
سالم : على بركة الله يا اخ مينا .. هنعمل ايه ؟؟
مينا : اول حاجه لازم نعملها هو ان ...............
مينا : اول حاجه لازم نعملها هو اننا نروح مكان امان .. لو كانصيرو خرج ميلاقيناش وكمان علشان نعمل نجمة داوود
مصطفى : امممممممم تعالوا معايا
سالم : على فين !!
مصطفى : هتعرف
قاموا حاسبوا وركبوا العربيه ومشيوا لغاية مدينة نصر فى كافيه كبير هناك .. ركن مصطفى العربيه قدام الكافيه ونزل
سالم : يا عم ما احنا لسه خارجين من كافيه هو انت واخد الموزه تفسحها 😑
مصطفى : اصبر بس هتفهم
مينا : نصبر ايه احنا هنا ليه انت سايق بهايم ما تفهمنا
مصطفى : الكافيه ده بتاع واحد صاحبى بابا ميعرفهوش واكيد كانصيرو ده مش هيعرف اننا هنا وكمان المكان هنا امان الأمان .. ودلوقتى الساعه داخله على 3 ومحدش هنا وانا معايا نسخه من المفتاح 😉
محمد : عفارم عليك
مايكل : يلا ندخل
فتح مصطفى الباب ودخل هو والشباب .. الكافيه هادى جدآ مفيهوش حد قعدوا على فوتيه
مينا : هو ده وقت قعده يا عم انت وهو قوموا ساعدونى
مايكل : نعمل ايه طيب
مينا : وسعولى المكان حطوا الفوتيهات فوق بعض وفضولى مساحه كبيره
مصطفى : ليه !!
مينا : هنرسم نجمة داوود
سالم : هنرسمها بأيه وازاى
مينا : اهم حاجه نرسمها مش هتفرق بأيه
مصطفى : خد اهو بن ارسم بيه
وسعوا مكان كبير وبدأ مينا يرسم نجمة داوود .. هى عباره عن نجمه وفى وسطها عين وبعد ما رسمها طلب مينا من مصطفى سكينه .. جاب مصطفى السكينه وطلب منهم مينا انهم يقعدوا كل واحد عند سن من اللى خارج من النجمه او راس النجمه وقعد كل واحد فى مكانه وطلب مينا منهم كل واحد هتمر عليه السكينه .. يعور نفسه فى اديه الأتنين وبعد ما يخلصوا يمسكوا كلهم فى ايد بعض علشان الدم يختلط ودايرة الدم تكمل .. فعلآ عملوا كل اللى قال عليه مينا ولما الدم اختلط طلب منهم يغمضوا عنيهم ومحدش يفتح .. غمضوا عنيهم وابتدى مينا يتمتم بكلام مفهوم و مش مفهوم .. وكل شويه يتحمس اكتر وصوته يعلا وبعدين سكت شويه وحاش ايده من ايد اصحابه وكلهم فتحوا عنيهم
سالم : خير يا حبيبى البنزين خلص وممعاكش تفول علشان تكمل !!
محمد : ايه يا شبح بخ كده مفيش !!
مايكل : طب ما تجرب تانى
مصطفى : خلاص يا جدعان الراجل عمل اللى يقدر عليه وكتر خيره .. بس دلوقتى يلا نمشى علشان نحاول نتصرف
مينا : انا اسف يا جماعه
لسه هيفتحوا باب الكافيه ويخرجوا سمعوا صوت تحريك كرسى على الأرض .. بصوا كلهم لقيوا نور الكافيه بيرعش والكراسى والفوتيهات فى حالة فوضى وعماله تتحرك بشكل هستيرى
مينا : بسرعه مكانكوا اهم حضروا
جريوا كل واحد قعد مكانه ومسكوا ايد بعض وعلى اديهم لسه الدم .. الجو هدى ومبقاش فى غير صوت هوا خفيف فى المكان
مينا : مين
= انا صامويليسيف
مينا : احنا طالبين مساعدتك
= ليه
مينا : فى عفريت اسمه كانصيرو عاوز يستعبدنا علشان ...
= علشان يحكم العالم
مينا : بالظبط كده واحنا مش عارفين نعمل ايه ومحتاجينك تساعدنا
= كانصيرو من اقوى ملوك الجان وصعب جدآ هزيمته .. بس ممكنه .. انا هساعدكم لكن مش ههزمهولكم .. انتوا بس اللى تقدروا تهزموه
مينا : هتساعدنا ازاى
= أنتهى
النور نور بتاع الكافيه وبصوا لقيوا كل الكراسى والفوتيهات فى مكانها تمام وحنى نجمة داوود اتشالت والجروح فى اديهم اختفت واتفتح التليفزيون على قناه ميعرفوهاش وكانت بتتكلم عن حالة الطقس فى المنيا
وبعدها التليفزيون اتقفل ..
محمد : مش يلا بينا !!
كلهم : على فين
محمد : على المنيا طبعآ
سالم : يابن اللعيبه يا زكى انت صح
محمد : مش محتاجه فكاكه صامويليسيف قال انه هيساعدنا وبعدها اتفتح التليفزيون على قناه عمرنا مش شفناها وبتتكلم عن المنيا يبقى بينا على المنيا
قاموا جرى على عربية مصطفى راحوا فولوها وطيران بيها على المنيا .. مش عارفين بالظبط هما رايحين ليه المنيا او انهى مكان بس عارفين انهم ماشيين صح
وصلوا المنيا مش عارفين هيروحوا فين فقرروا انهم يباتوا فى فندق كبير .. حجزو فى الفندق واتجمعوا قبل ما يناموا فى اوضه واحده
مايكل : يا جدعان هو احنا المفروض بقى جينا المنيا ليه
محمد : لا معرفش 😂
سالم : جات الحزينه تفرح ملقتلهاش مطرح يابن المسلخه 😢😢 .. يعنى جايبنا المنيا ومش عارف جبتنا ليه
مينا : اصبروا بس اصبروا فى صوت (لحظات صمت) باينها خناقه فى الفندق
نزلوا جرى من الأوضه علشان كانت خناقه كبيره وظيطه وكان طرف من اطراف الخناقه راجل قصير ولابس جلابيه بلدى .. وبعد ما خلصت الخناقه بيدوروا على مصطفى ومينا مش لاقينهم فى اى مكان فى الفندق وبيرنوا عليهم مش بيردوا
بعد ازيد من ساعه جه مينا ومصطفى ودخلوا عليهم الأوضه
محمد : كنت فين يا عم انت وهو
مينا : اهدى بس ومتعليش صوتك .. كنا بنعرف بالظبط احنا جايين ليه
مصطفى : فاكرين الراجل اللى كان بيتخانق .. ابو جلابيه
محمد : ماله ؟؟
مينا : اول ما شافنى لابس القلاده اللى اخدتها من الفرعون وشه قلب الوان وخلع من الخناقه
مصطفى : انا كمان لاحظت كده فغمزت لمينا وجرينا على العربيه ومشينا وراه
سالم : ووصلتوا ﻷيه
مينا : وصلنا ﻷن الراجل ده غنى اوى .. كان شغال بيلم زباله وفجأه فى يوم وليله بقى من اغنياء المنيا وفلوسه كل يوم بتزيد
مايكل : بس انتوا عرفتوا منين
مصطفى : واحد من شارعهك فاتح كشك جبت منه علية سجايى lm احمر ب100 جنيه وقالى على كل ده
مينا : الراجل ده اسمه سليم النواشى .. بس الفكره بقى هو ليه هرب لما شاف البتاعه اللى انا لابسها دى .. وكمان جاب فلوسه دى كلها منين
وهما بيتكلموا صوت الباب خبط
سالم مييييييين
~ سليم النواشى .....
يتبع............
تعليقات
إرسال تعليق