بصوا كلهم لبعض بأستغراب وقام مصطفى فتح الباب
مصطفى : ايوه !!
سليم : ايه يا جماعه مفيش اتفضل ولا ايه
محمد : اتفضل
سليم : بعد ايه
سالم : خلاص اتكل على الله
سليم : دمك خفيف يا سالم
سالم : ده على اساس انك مخاوى ؟؟
دخل المعلم سليم وشد كرسى وقعد والكل بيبصله
سليم : انا هجبهالكوا على بلاطه
سالم : هات
سليم : انا كنت راجل غلبان اوى اجمع شوية زباله وافرزهم وابيعهم .. فى يوم ربنا كرمنى ولقيت خاتم فيه فص الفص ده فى نقطه حمرا .. محطتش فى دماغى ولبست الخاتم ده وكملت شغلى وفى مره وانا بجمع شوية بلاستك من عند معلم كبير اخد باله من الخاتم واصر انه يشتريه لدرجة عرض عليا 50 الف جنيه .. فهمت طبعآ ان فى حاجه فى الخاتم معليه سعره وفضلت وراه لغاية ما عرفت ان النقطه الحمرا دى زيبق احمر فرعونى وقيمة الخاتم تعدى 5 مليون جنيه .. اتفق معايا المعلم ده وشغلنى معاه فى الأثار وكنت بكسب حلو وبعد ما مات مسكت انا الشغل كله مكانه وبقيت بتاجر فى الأثار والمنيا كلها عرفانى .. حتى الحكومه نفسها عرفانى ومحدش يقدر يجى جمبى
مينا : طيب والخاتم فين دلوقتى انا شايف ايدك فاضيه ؟؟
سليم : انا بعد ما الملايين لعبة ف ايدى مبقتش محتاج لل5 مليون بتوع الخاتم .. انا كنت محتاج الزيبق اللى جوه الخاتم .. الزيبق ده انا حضرت بيه جن قوى اوى اوى
مصطفى : طب وانت هنا ليه
سليم : انا هنا علشان اللى فى رقبة صاحبكم مينا
مينا : دى مش للبيع .. دى
سليم : اكيد محدش هيبيع حياته انتوا لو مكملتوش طريقكم كلنا هنموت .. انا الجن اللى مخاويه قالى على كل حاجه من طقطق لسلامه عليكم
مايكل : طب وليه فى الخناقه اول نا شوفتنا خلعت
سليم : لو فضلت واقف مليون فى الميه كانت هتبقى خناقه كبيره اوى ومؤكد قلادة الفرعون كانت هتقع فى الخناقه دى وممكن طفل يلاقيها ولا عيل سيس يلبسها روشنه ونغور كلنا فى داهيه
مينا : افهم من كلامك ايه
سليم : افهم من كلامى ان بكره الصبح هتيجوا معايا وانا بفتح مقبره ومليون الميه فى حاجه فى المقبره دى هتساعدكم
مينا : وانت ايه اللى يخليك متأكد كده ؟؟
سليم : تخيلوا الجن اللى مخاويه دلنى على بيت تحتيه اثار وروحت وفحت هناك وملقتش حاجه
مصطفى : طب دى غلطة العفريت بتاعك
سليم : قبل الخناقه رجالتى اتصلوا قالوا انهم لقيوا باب تحت الأرض واتخانقت علشان اتعطل واشوفكم واشوف القلاده ... لا اكيد فى حاجه .. وبعد الخناقه لما روحت البيت وقريت العزيمه وسمعت طلبات الجن الاى بيحرس المقبره جتلكوا جرى
مايكل : هو طلب ايه
سليم : طلب دم شاب هيحرر العالم من جن اسمه كانصيرو وهيكون لابس قلادة الفرعون
مينا : انت مجنون ؟؟ هتموتنى !!
سليم : يا باشا لا اى دم منك مش لازم ادبحك يعنى .. يعنى لو شكة دبوس تكفى
مينا : اممممممممم طيب تمام انا موافق ما تيجى نروح دلوقتى
سليم : ميعادنا بكره يا رجاله سلام
مشى المعلم سليم ورن موبايل مصطفى ..
مصطفى : الو ايوه يا بابا
الضابط : انت فين يابنى قلقتنى عليك
مصطفى : متخافش انا فى الساحل انا وناس اصحابى
الضابط : ماشى وابقى طمنى عليك .. سلام
مصطفى : سلام
فى مكتب الضابط
كانصيرو : هما فين
الضابط : فى المنيا .. انت صح اختفاء ابنى فى الوقت ده ليه علاقه بالعيال دى وبيقولى انه فى الساحل مع ان خاصية التتبع جيباه فى المنيا
كانصيرو : انا هروحلهم 😈 .. وابنك ده هتضحى بيه وانت فرحان
الضابط : ايه !!
كانصيرو : ابنك خاين ولازم يموت
الضابط : يموت !! بلاش ابنى
فجأه المكتب كله بقى لونه احمر ونفس الضابط اتكتم ووشه احمر وحس بألم رهيب فى بطنه بص على بطنه لقى بطنه مقطوعه وقطط صغيره بتاكل اللى جواها .. حرك راسه اشارة انه موافق
كانصيرو : انا محدش يقولى لا .. والعيال دول هخلص عليهم كلهم واولهم ابنك .. ابن الخادم بتاعى اللى رايح يساعد اعدائى
الضابط : ارجوك .. ارجوك اقتله بس متأذينيش
كانصيرو : برافو
اختفى كانصيرو
فى الفندق
خبط باب الغرفه بتاع الشباب قام مصطفى فتح لقى بنت جميله جيبالهم اكل على ترابزه متحركه صغيره .. دخلت تحط الأكل وكان عباره عن 4 اطباق بصت للأطباق ف طار الغطيان وكان فى كل طبق رأس انسان مقطوعه ونازل منها الدم .. اول طبق رأس فجريه والتانى رأس احمد وتالت طبق فى رأس ام احمد والرابع رأس ام مصطفى ... ونازل منهم الدم بينقط .. صوت صريخ الشباب بيهز المكان كل الفندق اتجمع .. البنت اتحولت لكانصيرو فجأه ظهر جن تانى صامويليسيف واخيرآ ظهر جن تالت الجن بتاع المعلم سليم
بص كانصيرو ليهم
كانصيرو : كل ده حصل وانا مش موجود
صامويليسيف : ارحل .. الأرض مش ملكك والشر مش هينتصر
كانصيرو : هه تحب تشوف انى ممكن احرقكوا كلكوا
فتح الجن بتاع المعلم سليم ايده وكان باين عليه انه غضبان واتجمعت ف أيده كوره شفافه جواها نار وضربها فى كانصيرو واختفى .. وقع كانصيرو وصرخ من الغضب ف ولع الأوضه كلها نار بص صامويليسيف للنار فأنطفت .. ظهر الجن بتاع المعلم سليم تانى من ورا كانصيرو ولسه هيضربه بكورة النار قامت ظهرت قطط صغيره كتير وقطه منهم خربشته ف وقع وكانصيرو اخد باله منه .. بصله وعينه لونها احمر دم ووشه اسود وكل ما عينه تزداد حمار .. الجن بتاع المعلم سليم يتحرق اكتر لغاية ما بقى رماد
بص كانصيرو للشباب ملقيش حد ولا لقى صامويليسيف .. حرق الغرفه كلها وخرج قدام كل الناس الموجودين وسط فزع وصراخ .. بصلهم كانصيرو وشاور عليهم قامت النار مسكت فيهم كلهم .. ولع فى اكتر من 200 شخص
فى بيت المعلم سليم
مينا : هو ده كل اللى حصل
سليم : اكيد هو هيعرف مكانكم وهيجى دلوقتى ومش معانا حمايه .. يبقى احنا لازم ننزل المقبره حالآ
محمد : يلا ننزل
دخلوا اوضه فى البيت اللى كان فيها الحفر ونزلوا لغاية ما بقيوا قدام باب المقبره .. حس مينا بأيد بتمشى عليه وبعدين القلاده اللى لابسها نورت لون فضى وكانت طايره فى الهوا
اتفتح باب المقبره لقيووووووا ........
يتبع............
اتفتح باب المقبره لقيووووووا .. المومياء واقفة ورا الباب وبصالهم
سليم لسه هيقرا عليها تعازيم وكده قام مينا شاورله علشان يستنى وميعملش حاجه .. وحس مينا كأن حاجه بتشد القلاده ناحية المومياء فضل ماشى بهدوء لغاية ما قرب اوى للمومياء والكل واقف منتظر اللى هيحصل .. قربت المومياء من ودانه وادته حاجه فى ايده محدش شافها وفى نفس الوقت كانت بتكلم مينا فى ودنه بصوت همس محدش سامعه غير مينا .. حسوا بصوت رجلين جاى من فوق من مكان ما نزلوا بيبصوا لقوا كانصيرو 😈😈
كانصيرو : هاهاهاهاها دلوقتى نهايتكوا يا تدونى الحاجات يا تدونى ارواحكوا
محمد : لو عاوز ارواحنا كنت خدتها من الأول يا ملعون لكن انت محتاجنا ومش هتقدر تمسنا
كانصيرو : غلطاااااااان .. انا هاخد اللى عاوزه ودلوقتى حالآ يا أما هدفنكوا احياء
وابتدى كانصيرو يردم عليهم بالتراب فكروا خلاص انها نهايتهم وكانوا مرعوبين جدآ لغاية ما مايكل ابتدى يشدهم جوا الغرف اللى تحت الأرض
سليم : كده هنموت وكده هنموت ايه اللى بتعمله ده يابنى
مايكل : لا مش هنموت متخافش
كانصيرو : لا هتموتوووووووا
مينا : طيب طيب طيب .. خلينا نتفق
كانصيرو : ادينى القلاده وتجبلى باقى الأجزاء
مينا : والمقابل
كانصيرو : هرحمكم
مينا : مش كفايه
كانصيرو : لا كفايه
مينا : عاوزين نكون زيك نفس صفاتك .. متأذيناش.. نحكم الدنيا معاك
كانصيرو : مينفعش
مينا : ليه
كانصيرو : مش هترحمونى ... اقولك .. انا كنت بتسلى معاكم انا هخليك تيجى تبوس ...
سالم : بطل حوارات .. هنبوس ايه وننيل ايه انت ملكش عندنا حاجه .
سمعوا صوت جاى من ورا سالم .. اسد 🐯
لقيوا اسد كبيييييير ولونه اسود وليه قرون فى دماغه وحجمه اكبر مرتين من الأسود العاديه
سالم : تصدقوا اننا هنبوس فعﻵ
كانصيرو : قطتى الصغيره جعانه
سالم : يعنى دى قطه !! سبحان الله
كانصيرو : ومعنديش مانع اقتل حد فيكوا علشان الباقى يطيعنى وينفذ كلامى
مينا : انا موافق
سالم : يابن المفكوكه موافق اتقتل 😢😢
مينا : لا موافق اديله القلاده
سالم : يابن المجنونه .. هتديله القلاده ؟؟
مينا : طب اعمل ايه طيب علشان متشتمش
كانصيرو : اخرصوووووووووووووا 😡😡
مينا : اتفضل
وقلع القلاده واداها لكانصيرو
مينا : هقولك سر .. احنا وجودنا هنا مش من فراغ ... لما دخلنا هنا الفرعون قالى حاجه مهمه .. وعطانى حاجه اهم .. عطانى الجزء التانى من الأجزاء اللى هنهزمك بيها .. عطانى خاتم وقالى انه هيساعدنى لو فكرت بتركيز بس لازم افضل لابسه 15 دقيقه كامله علشان يشتغل .. وكده اقدر اقولك انى علمت عليك والقلاده اللى فى ايدك احب اقولك انها ب10 جنيه عميل يدوى من واحد بتاع مادليات فى الهرم عملها واحنا واقفين والأصل اهى فى رقبتى والربع ساعه بتاع الخاتم انتهت يا كانصيرو وانا خلاص فكرت بتركيز
اختفى الشباب وسليم معاهم فى لحظه ولقيوا نفسهم فى اسكندريه على البحر
سالم : يابن الملحوسه يا مينا
مينا : ملحوسه !!
سالم : انت عالمى ياض وعهد الله جايبنا ع البحر بقى واسكندريه وكده 😉😉 .. طب ايه
محمد : نعم انت عاوز منه ايه ؟؟؟ .. ولا يا سالم فى ايه انت بتفك الحزام ليه اوعى الموضوع ي.....
سالم : مينا فكرلنا فى اكلة سمك حلوه انا نازل البحر .. اطلع الاقى السمك سخن
مينا : لا هات معاك من البحر بقى
جرى سالم نط فى البحر يعوم والكل نزل وراه من كتر الهموم الكل نزل يعوم شويه وخرجوا
سالم : عاوزين ناكل يا جدعان
سليم : انا عازمكوا على اكلة سمك جحيييييييم
راحوا اتغدوا فى مطعم سمك .. وهما بياكلوا محمد طلب موبايل مصطفى
محمد : هات اعمل مكالمه من موبايلك يا مصطفى
مصطفى : اوباااااا موبايلى ده انا ناسيه مش المفروض ندغدغه ؟؟
محمد : لا منا هتصل بأبوك علشان يبعتلنا كانصيرو
مصطفى : مش فاهم
محمد : بوص يا سيدى دلوقتى ابوك مقدامهوش حل يعرف يجيبنا بيه هو وسى كانصيرو ده
مصطفى : ده شئ كويس
محمد : بالعكس هو كده هيدور على ام سالم واخوات احمد وكده واكيد هيلاقيهم فأحنا نشغله معانا واهو نتنقل بالخاتم ده زى ما احنا عاوزين
مينا : كلامك سليم جدآ بس مش لما نعرف الجزء التالت فين وهما كام جزء
سالم : يبقى نجيب الكتب دلوقتى يا مينا
مينا : يا خبر ده انا نسيت اصﻵ الكتب
اتنقلوا كلهم للمكان اللى فيه الكتب .. و فتحوا الكتاب بتاع جد محمد لقيو جزء مكتوب فيه (قد تكمن القوه فيما غرق في البحار قديمآ بالتحديد فى أقصى شمال المدينه وفى المنتصف ينبع الحياة من الموتى)
مينا : طيب كده يبقى الجزء التالت فى اسكندريه لكن المكان بالتحديد فين
مايكل : جيتولى فى ملعبى .. بوصوا جغرافيآ كده المكان اللى اتذكر هو عند بوابات اسكندريه واظن ان فى حاجه فى وسط البحر هناك
سالم : خلاص يبقى نتصل بأبوك يا مصطفى من اى مكان غير اسكندرية
محمد : نتصل بيه من ميدان التحرير
مينا : يا صباح المزاولات
نقلهم مينا للميدان وعلشان المكالمة متبانش انها اشتغاله
محمد : ايوه يا باشا .. بوص بقى مش هنرغى كتير لو مبعدتش عننا انا هقتلك ابنك .. سلام
وبعدها على طول نقلهم مينا ﻷسكندرية قدام البوابات
سليم : على فكره بقى احنا مش هنعرف نوصل
سالم : ليه يا عم حوزمبل انت
سليم : عاوزين مركب سريع لنش يعنى وعاوزين غطاسين
سالم : لا غطاسين دى تقولها وانت بتسلك طرنش البيت بتاعك تبقى غطاس مجارى قد الدنيا .. احنا اللى هننزل طبعآ بنفسنا
سليم : لا انا مغطسش
محمد : يا عم ابقى سوق المركب متقرفناش .. بس هنجيب مركب منين
سليم : انا اشتريلكوا مركب نفخ من السريه ده بينا ع البنك ونجيب كمان بدل غطس
راحوا البنك سحب سليم فلوس وجابوا كل حاجه وابتدو بقى يشقوا البحر لغاية ما مايكل قالهم ان كده هما فى المكان المقصود تمامآ .. استعدوا ولبسوا البدل ونطوا ونزلوا تحت المايه .. وبصوا لقيوا ...........
يتبع
تعليقات
إرسال تعليق