خادم سحر الأجداد.. الجزء السادس

الجزء الساااااادس😎😎😎
ركبوا عربية الظابط وراحوا المقابر
محمد : سالم انت ليه جبتنا هنا !!
سالم : عاوز اخلص الموضوع
الظابط : كلامك ملوش غير دليل واحد يا سالم
سالم : عارف يا باشا .. فاكر انى هبيعكم مش كده ؟؟
الظابط : اه
سالم : عندك حق انا ممكن ابيعكم 😎😎
محمد : هتستفاد ايه .. امك ومراتك المستقبليه فى خطر لو بعتنا
سالم : اهدا بس كده وبطل تطبيل وتثبيت .. انا اموت ولا ان اللى فى دماغكم يحصل .. انا جايبكم هنا لحاجتين .. اول حاجه ان اللى حصل هنا قبل كده مش عادى وهندور و نعرف المكان ده ماله
الظابط : طب و تانى حاجه ؟؟
سالم : المكان ده هنحفظه كلنا علشان اللى فينا هيخون هيتدفن هنا 😎😎
محمد : كلام زى الفل .. بس بصوا بقى هناك كده
سالم : ايه ده هو مش ده احمد وفجريه ؟؟
مشنوقين
كان احمد وفجريه مشنوقين فى شجره كبيره وريحتهم لا تطاق .. بصولهم اوى كده وبصوا للقبر اللى مشنوقين فوقيه وكلهم بصوا لبعض بأستغراب
الظابط : انا فاكر كويس اوى الأسم ده .. ده....
سالم : ده اول من حضر كانصيرو ده الشيخ اللى كان مع ام رباب مش كده !!
محمد : ايوه صح
الظابط : واضح ان اهالينا شربونا الحكايه دى بالمعلقه
سالم : انا كنت بس طلع حقيقه .. احنا هنفتح القبر ده
اول ما خلص سالم الكلمه دى لقيوا الرياح شدت عليهم جامد اوووى وابتدى اصوات تتسمع وبصوا لقيوا عين فجريه واحمد المشنوقين فتحت وابتدت الأرض تتهز من تحتيهم .. صرخ محمد وشاور على حته ضالمه اووووى بعد ما الجو اتقلب بيبصوا لقيوا تعبان كبير وجاى بيجرى عليهم سريع .. طلع الظابط المسدس وضرب عليه نار ومحصلش حاجه .. جريوا التلاته فى اتجاهات مختلفه لغاية ما غابوا عن الأنظار ومحدش فيهم بقى شايف التانى 😕
محمد
فى وسط مقابر مستخبى صوت حاجه بتزحف جايه من وراه بيبص يلاقى قطط كتير جايه بتزحف زى التعابين ناحيته وماشى قدامهم حيوانى اسود ضخم بيمشى على اربعه لكن مش قطه ولا كلب ولونه اسود داكن وشكله مرعب
سالم
برا منطقة المقابر واقف على الطريق عمال يصرخ علشان حد ينجده .. بيسمع صوت احصنه كتير جايه عليه وابتدى يشوفهم من بعيد جايين ناحيته ابتدى يتطمن ويصرخ علشان يلحقوه بس اللى كان سايق الخيول دى مش بشر عفاريت .. شافهم سالم اول ما قربوا عليه ..
الظابط
فى العشه اللى كان فيها الراجل الغفير اللى اتقتل .. قاعد هادى على كرسى وقدامه
كانصيرووووو
وكان كانصيرو باين عليه انه متغاظ جدآ
والظابط باصصله بهدوء وبيقوله : هانت هانت جدآ كمان واللى نفسك فيه فاضله حاجه بسيطه .. عيلتهم عندك وابو محمد انت اخدت منه اللى نفسك فيه .. يعنى ارواحهم مابين ايديك
كانصيرو : هما اللى بأديهم يخلونى الملك واقوى الملوك وهما اللى ممكن يخلونى زى ما انا كده ... الكتاب .. كتاب اللعنه والكتاب اللى فيه الأطراف لازم هما اللى يلاقوه وهما اللى يعرفوا الأطراف فين ويحاولوا يجمعوها ولما يكملوها ساعتها بس ابقى الملك
صوت صريخ سالم ومحمد بيجرى سمع الصوت فراحله وفضلوا يدوروا على مكان يهربه منه لقيوا كلاكس العربيه بتاع الظابط جريوا ركبوا معاه العربيه وهربوا من المدافن
الظابط : انا عاوز اقول حاجه
سالم : قول
الظابط : الكتاب اكيد هيساعدنا
محمد : عندك حق بس الكتاب مش معانا ده احنا مخبينه فى مكان مش هتتخيله يا باشا
الظابط : فين !!
سالم : الكتاب عند فجريه فى بيتها
الظابط : هو مش انتوا روحتوا تجيبوه
محمد : دى حقيقه وهى نفسها مكانتش تعرف المكان اللى احنا خبينا فيه الكتاب واحنا داخلينلها من غير ما تحس .. بس زى ما انت شايف هى ماتت ف روحنا ومعرفناش ندخل البيت فمشينا ☺
كسح الظابط بالعربيه وقعد يظيط فيهم انهم كان المفروض يكسروا الباب ويجيبوا الكتاب
نزلوا من العربيه محمد وسالم وقالوله روح انت هاته احنا مخبيينه ورا الزير اللى فى بيت فجريه واحنا هنرجع بيوتنا نستنى الموت
سابوه ومشيوا وهو جرى بالعربيه لبيت فجريه ...
محمد : طيب يا سالم انا ومفيش حاجه اخاف عليها حتى ابويا اعتبرته مات يعنى مش هيحصل فيه اكتر من اللى حصل
سالم : عارف كمالة سؤالك وهريحك .. امى وحبيبتى هيرجعوا متقلقش .. انا من الأول وانا حاسس ان الظابط مش تمام وعارف انه هيخطف امى والستات علصصشان اكون تحت رحمته وقال ايه بيحافظ عليهم من كانصيرو .. بس هو محتاج اوى للكتاب اكتر ما محتاج للستات يعنى بمزاجه غصب عنه هيرجعهم .. وكانصيرو ده احنا علمنا عليه بدل المره 1000 مره كانصيرو لسه ضعييييييف بدليل ان بشوية حوارات عملناها وصلنا للى فى دماغنا
محمد : عندك حق هو اخره بس يرعبنا او يدوس على رقبتنا شويه دلوقتى لكن منعرفش ايه اللى هيحصل بعدين
سالم : عندك حق واكبر دليل ان كانصيرو حاليآ ضعيف هو اننا لما قولنا كتاب اللعنه عند بيت فجريه اكيد مليون فى الميه انه راح مع الظابط علشان الكتاب ده .. المهم جبت الكتاب التانى !!
محمد : عيب عليك يا صديقى .. لما خرجنا من القسم وروحنا نعمل اننا هنجيب كتاب اللعنه ساعتها انا قولتلك انى هروح انا اتطمن على ابويا وانت روح هات الكتاب
سالم : وانا روحت عند بيت فجريه فعﻵ وكنت متأكد ان كانصيرو فى نفس المكان اللى انا هبقى فيه علشان الكتاب
محمد : انا بقى فى نفس الوقت روحت البيت عندى واخدت الكتاب اللى كان سايبهولى جدى اللى مكتوب فيه كل حاجه حصلت زمان وكمان فيه مكان اطراف كانصيرو .. اعتقد اننا كده خلاص
سالم : لا ده احنا كده لسه هنبدأ .. انا اعرف واد اسمه مينا انما ايه واد ملوش حل وقارى عن السحر والكلام ده هنروحله دلوقتى
محمد : طيب ثوانى هو كتاب اللعنه فين 😯😯
رفع سالم التيشرت وخرج الكتاب .. كل ده حصل وسالم مخبى الكتاب فى حزام البنطلون تحت التيشرت 😈😈 ..
ركبوا وراحوا لمينا البيت وحكوله على اللى حصل كله
مينا : بصوا احنا هنفتح كتاب جدك يا محمد ونشوف ممكن نوصل لأيه
محمد : تمام افتح
اول ما فتحوا الكتاب قام النور قطع وبعدين .......
يتبع...