الرموز
قصة حقيقية
بنسمع كتير عن ناس ليها حكايات مع كتب السحر وتجارب مع الجن وخصوصا كتاب شمس المعارف والكتب العاديه اللى معظم اللى تعمق فى المجال اتعامل معاها لكن قصتنا انهاردا قصه حقيقيه أحداثها حدثت بالفعل وأصحاب القصه أحياء يرزقون خصوصا انها تفاصيل اول مرة هتسمعوها وأقوى من أى حقائق عرفتوها أو حتى سمعتو عنها خصوصا لما يكون أصحاب الحكاية عندهم شفافيه وصلتهم لدرجه كبيرة عن المعرفه عن العالم الآخر..
أعرفكم بنفسى .. أنا أسامه عندى 19 سنه من المنصورة مركز السنبلاوين قرية طوخ الأقلام بدرس كليه تجاره جامعة الأزهر بالقاهره .
بدأت حكايتى لما اتعرفت على صديق عمرى إيهاب كنت وقتها فى الثانويه الأزهريه وصدقى دة بالمناسبه أكبر منى بسنه كانت دراسته فى معهد الدلتا للحاسبات بالمنصورة وكان بين بيته ومكان الدراسه ساعه ونص تقريبا
الأحداث الغريبه بقا بدأت تحصل لما اتعرفت عليه ..الحاجات دى كانت بتحصله وهو عنده 7 سنين وتطور الموضوع بأحداثه بعدها سبب قربى من إيهاب إن تقريبا ظروفنا متقاربه هو ووالدة والدته متوفيين وهو عنده 17 سنه وأنا والدى كان متوفى..
فى اليوم دة كنت بلعب انا وصحابى فى القرية كنت بشوف ايهاب دايما منعزل واخد جنب كدا لوحده .. أحيانا بشوفة بيتكلم مع أخويه سيد اللى اصغر منى ..
كان عمر أخويا وقتها 14 سنه
اخويا سيد اللى قالى ان والدته اتوفت وهو عنده 17 سنه بسبب المرض ووالده اتوفى بعدها بسنه من حزنه على فراقها ليصبح إيهاب بعدها وحيد فى بيته طول الوقت منعزل وحزين ومحدش بيزوره غيرى انا (أسآمه) !
_بعد وفآة والده، عمته كانت وصيه عليه واللى كانت بتعامل ايهاب معامله غير حسنه بسبب مشاكل كانت بينها وبين والده ومن الوحده والحزن سابو أثر فى البيت فبقا البيت بعدهم غير مرتب إطلاقا وغير نظيف طبعا .. بمعنى أصح غير معروفله ملامح ..
البيت دا مكون من دور واحد وفى اوضه على السطح لزوم القعده والضيوف وكدا ..! البيت عبارة عن صاله واسعه ومليان صو كتير متعلقه على الحيطه لية ولوالدته ووالده وجده وكان معروف عن جده انه يعرف كتير عن أسرار العالم الآخر وكان هوا وجده دايما بيقرو فى الحاجات دى وبيحبو يتعمقو فيها .. ؛ البيت فيه مطبخين وأوضتين .. أوضه منهم جنب الباب فى الصاله والتانيه فى آخر ممر فى البيت وكانت بتطل على سرداب قديم من خلال شباك قديم وعاتقه تراث جنب بيتهم يعتقد انه كان ل جده وكان ايهاب دايما بينام فى الصاله ..
.. أصل الحكاية بقا لما كان ايهاب عنده 7 سنين وطلع يلعب فوق السطح وقت غروب الشمس وشاف خيال أسود طويل جدا أو جسم متفحم مش معروفله ملامح وبدأ يشوف الخيال بيطول ويقصر قعد يصرخ ونزل يجرى مفزوع وباين على وشه علامات الرعب من اللى شافه ولما وصل عند والده ووالدته قعد يتنفس بسرعه وجه علشان يتكلم معرفش يتكلم واغمى عليه بعدها بيومين وهوا ماشى فى ممر البيت اللى بيطل على السرداب شاف كائن غريب بشع عنده 3 رؤوس وبحركه مفاجأه بدأ يطارده ويجرى وراه وطبعا ايهاب جرى وهو مفزوع وخايف ولما وصل لغرفة والده ووالدته اللى جنب الباب اتشل فجأه واتشنج واغمى عليه تانى زى أول مرة
وبعد الفتره دى بشوية تقريبا محصلش حاجا من الحاجات دى مهمه انى اقولها لحد بعد وفاة والده ووالدته بسبب حزنه وانعزاله الدائم بدأ إيهاب يحس ويشوف ويتخيل قدامه حاجات غريبة فى كل مكان يروحه وأصوات بتهمس فى ودنه دايما واتعلم حاجات كتير عن الأسرار اللى احنا مش عارفين هوا اتعلمها ازاى ؛ عمركم سمعتو عن شخص من كتر الوحده والانعزال يجيله شفافيه بيشوف ويسمع حاجات محدش بيسمعها ولا يشوفها غيره وبيحلم بحاجات غريبة بتحصل ..
فى الوقت دة كنت انا اقرب شخص لإيهاب كنت دايما بروح عنده البيت وعلشان كنت الوحيد اللى يعرفنى فى الفتره دى خلانى اشوف مخطواطات فرعونيه قديمه باين عليها انها قديمه جدا وحقيقه وكان باين ملمسها ولما سألته عن مصدرها قال ان جده اللى عاطهاله وان هما 3 مخطوطات ناقص منهم واحده مش معاه ولو كانت المخطوطه التالتة دى موجوده معاهم كان يقدر يحصل على قوة كبيرة جدا وأسرار محدش يقدر يطلع عليها غيرة وكنوز قديمه مخفيه ؛ وكان دايما ايهاب بيقرأ كتب غريبه وحاجات مش مالوفه ومش موجوده فى المكتبات .. الحاجات دى بتتكلم عن عبدة الشيطان وكتاب كان اسمه أذآن إسرآئيل وكتب عن المسيخ الدجال ف حبيت أستلف منه كتاب كان اسمه العين الممسوحه دة بيتكلم عن المسيخ الدجال أخدته منه وروحت البيت وبدأت أقرأ فيه وأول ما فتحته لقيت أختى الكبيره جايه وبتبصلى بإستغراب كبير أوى وبتبرأ بعنيها وبتفتحها لدرجه كبيرة اوى .. بعدها فاقت لنفسها وقآلتلى بلاش تقرآ الكتاب دا وسابتنى ومشيت ؛ روحت وراها سألتها ليه ؟ .. ملقتهاش.!
ولما روحت علشان ارجع الكتاب ل إيهاب لقيته قاعد عند عمته ولما وصلت لبيت عمته بصلى وعمل نفس النظرة بتاعة أختى وقالى المسيخ الدجال عنده حيه (أفعه ) بتمشى تحت الأرض والبيوت وبتنقل لة كل الأخبار عن كل الناس وخروجه قرب جدا .
تغاضيت عن الموضوع دا وبدأت أهزر معاه واحنا قاعدين بصلى بصه غريبة كدا كلها جديه وقالى تعال هعلمك حاجا يا أسآمه ..!
قولتله ايه هيا بهزار كدا|!
قالى هعلمك ازاى يكون عندك عين تالته تشوف بيها اللى محدش بيشوفه والكائنات الموجوده من حولنا ومنعرفش عنها حاجا ومش مسموحلنا نعرف عنها حاجا ولا نشوفها .. قولتله يلا بينا !
كان فى نقطه سوده على الحيطه قالى ركز فيها وهتحس بنظرك يضعف وركز لمدة 5 دقايق حسيت بأصوات همس من حواليا وأحيانا أصوات وكلام غريب مش فاهم منه حاجا وفى الآخر زهقت وقولته ياعم محصلش حاجا .. أنا ماشى ياعم ؛ وأنا خارج من بيت عمته شوفت منظر لا يمكن أنساه شوفت على بيته كائن ضخم جدا أشبه ما يكون بالصقر وفجأه اتشليت مكانى وبدأت أسخن جامد وأرتعش وبعدها إيهاب خدنى عنده وهدانى وعملى عصير وقالى مش قولتلك..! إنت اللى مصدقتنيش
روحت تانى يوم بحثت على النت عن اللى شوفته اكتشفت انه طائر العنقاء بيظهر كل 500 سنه لشخص معين هو بيختاره وأثناء وانا ببحث دخل عليا صحابى أحمد وإبراهيم واللى عرفو الموضوع جديد وقعدو معانا شوية وقعدنا نهز رواحنا بنهزر احمد اتكلم عن كتاب شمس المعارف وبيقول انة مشهور فى السحر والجن وقف ايهاب فجأه كدا وبرقله وقالة الكتاب مايجيش صفحه واحده من الكتاب اللى معايا . رد أحمد قال له إزآى !
ده كتاب مشهور وفية طلاسم كتير والكل بيخاف منه رد إيهاب وهو بيبرقله بنظرة إستحقار "ههــه" إنت متعرفش حاجة .. الكتاب اللى معايا من أقوى الكتب وأكبرها على الإطلاق واللى بيفتحه بيختفى ! ..
طبعا الفضول كان قاتلنا وانا اكتر واحد كنت خايف من الكلام دة ومن نظره ايهاب وهوا بيتكلم وطبعا والحاجات اللى حصلت قبل كدا
بس بالرغم من الكتاب دةإيهاب قالنا الكتاب دة مدفون فى السرداب اللى جنب بيتنا تحت الأرض وزى مانتو عارفين إن الأةضه التانيه بتطل عليه من شباك قديم .. طبعا بخفة دم قولتله اوصفلنا المكان دة وبالفعل بدأ إيهاب يوصفلنا مكان السرداب
الشباك اللى فى اخر الطرقة واللى بيطل على السرداب موجود بعده سلالم بتنزل لتحت الارض للسرداب والبيت دة على حد وصفه مكون من 3 أوض وصاله كبيره .. البيت كان قديم جدا وفيه ريحه قديمه وتراب وخيط عنكبوت مالى المكان وشوية خرده قديمه وقالنا فى الأوضه التالته هتلاقو حفره دى اللى مدفون فيها الكتاب وفجأه برق كدة لكل واحد فينا وقالنا انا ماليش دعوه باللى هيحصلكو .. كلنا بصينا لبعض وخفنا وقررنا نشيل الفكره من دماغنا لكن بعد ما فكرنا ومن اللى حصل قبل كدة وشفنا كل اللى بيحصله جاتلنا فكره انه لازم ينزل معانا كنا فاكرين انه عنده قدرات خاصه .! وطبعا رفض ..
بعد ما استفزناه كتير وبعد محايله كتير قرر ينزل معانا ولكن بشرط تخيلو كدة معايا كان اية شرط بتاعه إن ينزل مكان زى دة وحنا معاه !
الشرط بتاعه ان نقف فى اوضه بعيده ومنبصش عليه أبدا واللى هيبص على حاجة هيتأذى .. نزلنا السرداب والسلالم الموديه للسرداب كانت حاجة غريبه جدا .. مليانه طيور ميته وطين كأن الدنيا لسه شاتيه وخيط عنكبوت وحاجات غريبه والأرض مش مستقره كدة بينا تحس ان البيت هيقع بينا ، دخلنا أول أوضه قابلتنا واحنا داخلين لصينا على الصاله لقيناها زى منظر السلم فى البشاعه والوساخه اللى فيها بل أبشع كتير وكنا مرعوبين من المنظر
دخل إيهاب الأوضه اللى حكالنا عنها وحذرنا تانى ان محدش يخرج اويبص من الباب ..سمعناه قاعد يقول كلام غريب جدا أول مره تسمعه طلاسم .. أسامه .. وحاجات محدش فاهم منها حاجة " بحق العهور السليانيه " طبعا أنا واخد الموضوع شوية جد وشوية هزار فقلت أبص أشوف الواد الأهبل دة بيقول اى ولسة مكملتش الكلمه لقيت صوت بيزعج صوت أجش مخيف بيقول " أوعى حد يبص خليكو مكانكو " سمعتها كأن صاعقه ضربتنا كلنا واتسمرنا فى مكانا وبنبص لبعض بخوف إزاى عرف اللى احنا بنتكلم فيه دة الموضوع فعلا بجد !
قعدنا مستنيين خايفين وبعد ربع ساعه تقريبا سمعنا صرخه جامده فزعتنا من الرعب وكان الصوت خارج من الأوضه اللى فيها إيهاب " آآآآه "
خرجنا بسرعه للأوضه اللى فيها إيهاب رغم انه لسه محذرنا منها لقيناه مغمن عليه وإيده الإتنين غرقانين دم وبسرعه جدا الحفره اللى اتحفرت رجعت زى ما كانت وكل الحاجات اللى كانت موجوده قداما ومش فاهميين ايه هيا .. اختفت ورجعت كل حاجة زى الأول إلا إيهاب اللى لسه مغمن عليه
كان بيفتح ويصرخ بصوت مخيف جدا ويكب على نفسه مسك كأنه حاطه فى جيبه ويغمن عليه تانى .. حصلت 3 أو 4 مرات
شيلناه بسرعه ورجعنا للبيت زى ما تكون السلالم بتتكلم من ورانا أول ما رجعنا بدأ إيهاب يفوق ويرتعش وجسمه يتنفش من مكانه ويكب مياه ساقعه على جسمه وإحنا كنا فى عز الشتا والبرد ويكب مسك على جسمه ومش عارفين جابه منين ، فجأه سمعنا صوت طالع من السرداب ولا إراديا شيلنا إيهاب وجرينا على الصاله وقفلنا الباب ورانا ، قعد إيهاب على السرير يرتاح وكتمنا له جرح منعرفش مصدره واتفاجئنا بشئ لا يمكن ان نتخيله .. لقينا الجرح محفور على شكل " الله " ولما فاق استغربنا وزى اى ناس عندهم فضول سألناه اي اللى حصل !
قعد يزعق ويقول أنا مش حذرتكم وقولتلكم ان الكتاب ده خطير .. إستحملو بقا اللى هيحصلكو من وراه !!
سألناه طب الكتاب دة مش هيظهر تانى ومش هنعرفو نلاقوه
بدأ يحكلنا ويقول : أنا قريت فى الحاجات دى كتير وفاهم الحاجات اللى ميعرفش عن اسرارها إلا بنى إسرائيل ومفيش أى ساحر عرف اللى انا عارفه وشوفته.. قلنا له مين ، قال كائن بشع من نسل إبليس ب 3 رؤوس كان بيهجم عليا بسرعه مسكت موس وحفرت على ايدى اسم الله وكبيت العطر والمسك على جسمى لان الحاجات دى بتبعدهم وشفت ايد خرجت من الحفره وأخدت الكتاب واختفين وبعد كده أغمن عليا وخلص اليوم على كدا وروحنا لبيوتنا
بعدها سافرت السويس لخالتى أستجم يومين علشان اسنى اللى حصل ..
تانى يوم لقيت أحمد وابراهيم بيتصلو عليا بيقولولى إيهاب عمال يقول كلام غريب ويعمل تصرفات غريبه وبيقول اسامى غريبه ومحتاجك تيجى بسرعه
نسيت أقولكم انى صديق ايهاب المقرب وفى وقت من الأوقات كنت صديقه الوحيد .. المهم جهزت نفسى وسافرت تالت يوم أول ما وصلت البلد روحتله البيت لقيت أحمد ماسك مصحف وخايف وابراهيم كان واقف مستعد لحاجة مش عارف اية هيا !
وفجأه اندهشت من منظر إيهاب قاعد فى الطرقه اللى بتودى على السرداب وقدامه طبق فخار شكله غريب وحاجة شبه قطعة السكر او الأرز مش معروفه هيا ايه ! وبخور وأدوات تانيه مش عارفينها ولع فى كل الحاجات دى وحط وسطهم فحم مولع وبدأت ريحتها تطلع .. عامل زى ريحة البخور اللى عند الدجالين وقعد يقول كلام غريب محدش فاهم منه حاجه .. أحمد قعد يرتعش وابراهيم واقف مستعد وأنا بضحك مش عارف بضحك على منظرهم وهم مرعوبين ، بص لي إيهاب بنظره حاده وقال لى هتتأذى فسكت
قعد إيهاب يقول بصوت مخيف ومرعب "ميهآئيل ، عزرائيل "
فاستغربت وبصيت لأحمد .. قالى هما دول الأسماء اللى كان بيقولهم ليا وعلشان كدا كلمتك ..
قعد إيهاب ملامحه تتغير ويصدر أصوات غريبه أحمد من خوفه قعد يقرأ سورة الصافات وآيه الكرسى ويكررها ودا كان بناء على طلب من إيهاب قال له قبل التحضير وعلم على كذا آيه فى المصحف وكلما أحمد يقرأ ويكرر إيهاب يصرخ وصوته مرعب جدا وبعد ما كررها تانى إمن عليه وفوقناه بعدها بساعه وبحثنا عن الأسماء دى على النت لقيناهم أبناء إبليس
بعدها بكام يوم جه عندى فى الشقه وأقام عندى وخلال إقامته كان دايما وهو نايم يقول كلام غريب ويصحى من النوم مفزوع ويتخيل حاجات غريبه أو ممكن يكون شايفها حقيقى .. الله اعلم !
حكينا لعمته بعض الحااجااات على كوابيسه والحاجت الغريبه اللى بيشوفها عمته عرضته على دكتور نفسى وكتب له أدويه وحقن كتير جدا وقعدنا معاه لحد ما جات عليه فتره أعصابه تسيب منه ويقع وميعرفش يتكلم .. منعته يروح للدكتور دا ورميت الأدويه عدى يومين وبدأ يرجع لطبيعته وفجأه لقيته جاى مفزوع وبيقولى إن الــــــــــــ محطوط عليه حنه بنى علمت على إيده مبتروحش منها جاب مواد علشان يشيلها روحنا لشيخ جارنا قال إبحثو عن الموضوع دة على النت لإنى شاك كفى حاجا ..
بحثنا على النت عرفنا إن الجن العاشق .. فقاله الشيخ .. استنى فيه شيخ كبير معالج بالقرآن جاى من قطر إن شاء الله يكون الشفاء على ايده بإذن الله
عدى يومين والأحلام والكوابيس بتزيد وبدأ يتعب كتير ويخس وبآن عليه التعب بعدها إيهاب رجع لبيته تانى وأنا كنت بخلص مشوار لبيتنا ورحتله بيته لقيت الشيوخ عنده بيقرأو القرآن وهو نايم مبيتركش بس كانت ملامحه كل شيوة تتبدل واترعب أكتر فسيبته ومشيت وجيتله تانى يوم قعد يحكيلى ويقولى الشيخ كان بيتكلم معاهم مع اللى بتجينى وأبوها وأختها وكانت اميرة بنت ملك من ملوك الجنه ملك بئر فى اليمن واختها كانت راهبه اسمه تقريبا " إبراهام شوت " هى بتحبنى وبتأذى أى حد يقرب منها وأبوها وأختها بيأذونى علشان متحبنيش قلتله طب والحل !
قالى إن الشيخ جاب زيت زيتون وعسل نحل وقرأ عليهم قرآن وتحصين وقال إدهن جسمك بزيت الزيتون كل يوم وكل عسل ومتنامش فى البيت انهارده وشغل القرآن فى البيت دايما وأخدته عندى البيت وأكل عسل ودهن جسمه وجالنا إبراهيم صاحبنا وفضلنا سهرانين مع بعض لحد الساعه 1 وفجأه بدون مقدمات عمل بإيده علامه قرنى الشيطان ويقول " ماريه ماريه " اتصلنا على الشيخ وكلمنا قال عادى دى فتره وتعدى بس خلو بالكم من نفسكم وحصنو نفسكم ولو رجعت الحاله تانى ادهنو السبابه بزيت الزيتون المقرى عليه واخبطو ناصيه ايهاب بيه ..للاسف الى كنا خايفين منه حصل والحاله رجعت تانى ل إيهاب ولما عملنا الي الشيخ قالنا عليه إايها جن جنونه ونزل فينا ضرب بشكل عشوائي ولكن المرادى كانت قوته كبيره على الرغم من جسمه الضعيف ويشيلنا بايد واحده ويخبطنا فى الحيطه واحنا واخدين الموضوع بهزار وهو يستمر اكتر واكتر واحنا بنعمل زي ما شيخ الجامع قالنا وفجاه اغمى عليه وقعدنا نبصله وقام تانى بكل هدوء وبصلنا بنظره مخيفه وقال "ماريه في كل مكان" وبدا يزعق ويقول اسكتو والشبابك والبيبان تفتح وتقفل وفجاه صرخ وقال "فيه نار فيه نار" ولقينا المطبخ لونه اتغير جاى منه لون أصفر شبه النار وكلنا اترعبا وجأه قررنا ندخل نطفى النار ولكن اتفاجئنا ان لون اللمبه الى فى المطبخ متغير عن لونها الطبيعى عشان يدى لون النار ولمبه ان\ار البوتاجاز كانت شغاله..وبعدها وقع ايهاب وفاق من الى كان فيه وروح ابراهيم بيته ليكتشف ان النار كانت عندهم فى البيت لكن بفضل الله تمكن الجيران و اهل بيته انهم يطفوها .
تانى يوم كان الخميس وعندنا عاده فى بلدنا ان الناس بتزور الترب يوم الخميس وقرر إيهاب انه ييجى معانا واما وصلنا لقينا ايهاب عينه ايضت وقعدت يقول "ماريه ماريه " ويعمل علامه قرني الشيطان لكننا كنا محصنيني نفسنا وعملنا زى ما الشيخ قالنا بعد ما كتفناه بضعوبه وروحنا بيه البيت لنتفاجئ ان البيت مليان قطط وحيوانات منها الى كان راسه مقطوع ومنها الي كان سليم وبيتخانقو مع بعض باصوات مخيفه واطياف وظلال غريبه دخلنا الاوضه وقفلنا علي نفسنا وفتحنا عشان نلاقي كل حاجه اختفت ...ولكن فجاه شفنا خيال اسود كبير طلع من الحمام ليخترق جدار الاوضه التانيه ويختفي جواها ..ولما الكائنات دى بتكون موجوده ايهاب بيحس انه عاوز يرجع لكن مفيس اى حاجه بتخرج من بقه ودى علامه بنعرف بيها انهم موجودين والشيخ قلنا كده وخرجنا من اليت ورحنا بيت صديقنا عبد الله ونزلت اجيب حاجه عشان نشربها تخفف من فزع وحده الي شفناه ولقيت علي السلم قطه جسمها كبير عن شكل القطط الى نعرفه وراسها مقطوعه وبتعمل صوت مخيف جدا طلعت اجري وانا مفزو وطلعت حكيتلهم الي حصل وكلهم مستغربين ,ضحك ايهاب بصوت عالى وقال "مش قلتلكم هتتأذو" وبعدها كل واحد روح بيته وكان يوم حزين جدا لأن حصلت حادثه كبيه جدا مات فيها 8 من أهل البلد وللاسف ايهاب تنبا بيها من قبل كده ..بعدها كنت قررت اروح اقدم حربيه واضطريت احلق شعري لاني كنت بحبه جدا ناعم وطويل وجمعته في كيس وحطيته تحت مخدتي ..شافته أختي ونصحتنى ارميه وبعد طول محايله وزعيق رحت ارميه في الترعه ولما رجعت لقيت شويه تحت المخده ,قلت يمكن نسيتهم ,لكن فوجئت ان الشقه كلها مليانه بشعري ,رجع هنا ازاى معرفش وفجاه لقيت جسكى بيرتعش ودرجه حرارتى بترتفع وحاسس بانفاس غريبه حوليا واغمى عليا ..اتصلت بعدها باصحابى فالاقيهم هم كمان حصلهم نفس الموضوع ..اتصلنا بالشيخ وحكناله فقالنا هي بتاذى أى حد يقرب منه وكل دا هينتهى النهارده باذن الله أنا هزوره ومجموعه من الشيوخ الاكفاء واذن الله يزول الضرر لكن محدش يقرب منه لحد ما نيجى وبالفعل جه الشيوخ وقعدو يقرأو ويرشو علي جسمه مياه مقروء عليها قران وزيت زيتون ومسك وهو يصرخ وملامح وشه تتغير جدا ونفزعه جدا ولون وشه غريب جدا خفت وروحت لما بصلي بصه غريبه جدا ومخيفه روحت نمت وطول الليل بحلم بكوابيس ولما صحيت رحت للشيخ وبيقولى ..يا بنى ابعدو عن ال بتعملوه الطريق دا اخرته وحشه ومحدش يقدر يستحمل عواقبه وبلاش تدورو وتلعبو وتستهزو بلى ملكوش فيه وبدا يطمنا علي ايهاب وقالنا
كان عنده جن عاشق اسمها ماريه وابوها ملك لبئر في اليمن واختها راهبه وهم الحمد لله اسلمو وقرروا ميأذوش ايها تانى ,لكن ماريه قالت مش هتاذيه ولا هتاذي حد منكم لانها بتحبه ومش هتسيبه
ومن بعدها كل حاجه رجعت لطبيعتها ورجعنا لحياتنا ودراستنا
وفى يوم كان ايهاب راجع من كليته وراح معصره يشرب عصير شافها متجسده في صورة بشريه وبتضحكله ومن بعدها مشفهاش تانى لحد دلوقت
نصيحه لكل الي بيدور علي السحر والاسرار والكتب الغامضه بلاش.. بلاش لان نهايتها دايما مش مضمونه ,,وابليس واعوانه دايما يتغذو علي خوفنا ,, خوفنا دايما من المجهول
مع السلامه \
كاتب القصه \ باحث فيما وراء الطبيعة
تعليقات
إرسال تعليق